İŞİD liderinin baxımsız qalmış mülkü Hələb şəhərindən şimal-şərq tərəfdə yerləşən Manbic əyalətində yerləşir.

Kürd döyüşçüləri Suriyada İŞİD lideri Əbu Bəkr əl-Bağdadinin ərazisində zoopark olan mülkünü aşkarlayıblar. Bu tikililərin şəkilləri yığma qoşun döyüşçüsü Sərdar Mahmud tərəfindən dərc edilib. Kürd döyüşçülərin bildirdiklərinə görə, malikanənin ərazisində hələ də atlar və dəvələr də saxlanır.

Bir müddət öncə 44 yaşlı əl-Bağdadinin öldürülməsi barədə xəbərlər yayılmışdı. Halbuki, sosial şəbəkələrdə onun hesabı daim aktivdir, döyüş hərəkətləri haqqında şəkillərlə zəngindir.