news Image
2016.06.24
13:50
| A A A
Avropa İttifaqı Londonsuz ilk sammitini keçirəcək

Avropa İttifaqı (Aİ) gələn həftə 27 ölkənin iştirakı ilə ilk dəfə Böyük Britaniyasız qeyri-formal sammitini keçirəcək.


Movqe.az TASS-a istinadən xəbər verir ki, bu barədə Aİ-nin sədri Donald Tusk bəyan edib.


O bildirib ki, sammitin iyulun 28-29-da Aİ Şurasının iclası çərçivəsində keçirilməsi planlaşdırılır.


D.Tusk deyib ki, Aİ Böyük Britaniyadakı referendumdan başqa nəticələr gözləyirdi: "Bu, tarixi hadisədir, amma əsəbi reaksiyadan uzaq olmaq lazımdır".


Aİ-in sədri qeyd edib ki, Böyük Britaniya İttifaqı formal olaraq tərk edənə kimi Avropa İttifaqının qanun və qaydalarının bu ölkədə tətbiqi davam edəcək: "Bu həm hüquqlara, həm də öhdəliklərə şamil olunacaq".


Xatırladaq ki, iyunun 23-də keçirilən referendumda Böyük Britaniyada Aİ-dən çıxmağa (Brexit) səs verənlərin sayı çoxluq təşkil edib. Referendumda iştirak edənlərin 52 faizi Birləşmiş Krallığın Aİ-ni tərk etməsini istəyib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs