news Image
2017.05.02
14:43
| A A A
Bəzi verilişlərdə qadınların problemləri üzərində şou yaradılması cəhdləri də müşahidə olunur-MTRŞ-nın şöbə müdiri

“Bəzi verilişlərdə qadınların problemləri üzərində şou yaradılması cəhdləri də müşahidə olunur”. Movqe.az-ın məlumatına görə, bunu Bakıda “Gender problemləri və media” mövzusunda keçirilən seminarda Milli Televiziya və Radio Şurasının (MTRŞ) Hüquq şöbəsinin müdiri Nemət Cavadov deyib. O bildirib ki,  Milli Televiziya və Radio Şurası (MTRŞ) telekanallara mütamadi olaraq gender bərabərliyi haqqında verilişlərin hazırlanması barədə telekanallara tövsiyələr verir : " Hazırda efirdə olan verilişlərin əksəriyyətində qadınların güclü yox, onların cəmiyyətdə əzilməsini nümayiş etdirən proqramlar yayımlanır. Eyni zamanda həmin verilişlərdə qadınların problemlərinin həll olunması yolları da göstərilir. Sosial problemlərin həllinə yönəlmiş “Elin gözü”, “Çıxış yolu”, “Bizimləsən” və s. verilişləri göstərmək olar.  Həftə ərzində ümumilikdə efirdə sosial problemlərin həllinə yönəlmiş 38 saatlıq veriliş yayımlanır. Təəsüf ki, bəzən bu verilişlərdə qadınların problemləri üzərində şou yaradılması cəhdləri də müşahidə olunur".

MTRŞ rəsmisi bildirib ki, Azərbaycanda media sahəsində fəaliyyət göstərənlərin 60-70 faizi qadın jurnailstdir: "Ancaq onların təmsil olunduqları mətbu orqanların başında duranların 80 faizi kişilərdir. Bu da təəssüf doğurur. Bu göstərici ilə gender bərabərliyi yaratmaq, balansı qorumaq mümkün deyil".
N.Cavadov vurğulayıb ki, zorakılıq, intihar və s. hallarla bağlı televiziyada yayımlanan məlumatların səbəbkarı  bu məlumatları yayan  hüquq-mühafizə orqanlarıdır: "MTRŞ burada ancaq müəyyən tövsiyəçi kimi çıxış edə bilər. Zorakılıq və s. halları nümayiş etdirən xəbərlərin verilməsi ilə bağlı qaydalara əsasən bu kimi xəbərlər saat 23:00-dan sonra verilə bilər. MTRŞ bu cür xəbərlərin gecə saatlarında yayımlanmasına nəzarət edir”. 

Zülfiyyə QULUYEVA 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs