news Image
2017.05.16
16:42
| A A A
Millət vəkili: "İnternet televiziyaların kabel yayımına imkan yaradılmalıdır"

“Azərbaycanda kabel televiziyaları vasitəsilə qonşu ölkələrin telekanalları yayımlanır. Məsələn, Rusiya telekanalları buna misaldır. Onların bir hissəsi musiqi və mədəniyyətlə bağlı olduğu üçün fəaliyyətlərində heç bir problem ola bilməz. Amma digər telekanallardan bəzən Azərbaycana qarşı zəhər yağır”.
 
Movqe.az-ın APA-ya istinadən məlumatına görə, bunu Milli Məclisin bu gün keçirilən iclasında deputat Qüdrət Həsənquliyev “Kabel yayımı haqqında” qanun layihəsinin müzakirəsi zamanı bildirib.
 
O qeyd edib ki, həmin telelviziya kanallarının yayımının dayandırılması məsələsi nizamlanmalıdır: “Azərbaycan ərazisində fəaliyyət göstərən bütün internet televiziyalarının  kabel yayımına imkanı olmalıdır. İnternet televiziyalarının müqavilə əsasında kabel yayımı ilə təmin olunması vacibdir . Yəni, əgər yayımçı bundan imtina edirsə, əsaslandırılmış qərar verməlidir. Məsələn, kifayət qədər səviyyəli hər hansı internet televiziyasına “yox” deyilirsə, o zaman onlar da gedib məhkəmə qaydasında öz hüquqlarını müdafiə edə bilməlidir. Mən buna misal olaraq, APA TV internet televizyasını göstərə bilərəm. Kifayət qədər səviyyəli, normal və maraqlı verilişlərlə yayımlanır. Bu televiziyanın kabel yayımında olmasının nə zərəri var? Niyə tamaşaçı APA TV-yə kabel yayımında baxa bilməməlidir?" .
 
Deputat deyib ki, qanunda televiziyanın yayımı dayandırıldığı tədiqdə onun bərpasının 24 saat müddətinə mümkün olduğunu qeyd edilib: "Hesab edirəm ki, informasiya texnologiyaları əsrində bu, bir qədər qədər çoxdur. Əgər hər hansı qüsur varsa, yayımçı onu 6-8 saat ərzində aradan qaldırmaq öhdəliyi qoyulmalıdır, əks halda, 24 saat çox böyük müddətdir”.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs