Bu sürüşmə sahələrində çatlar 2-3 sm genişlənib-Açıqlama
"Zığda, “At yalı” adalanan ərazidə- Nübar qəsəbəsində, Masazırda "Zəli gölü" adlanan ərazilərdə sürüşə sahələrindəki çatlar 2-3 sm genişlənib". Bu sözləri Movqe.az-a açıqlamasında Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov məlumat verib. R. Həsənov bildirib ki, sözügedən sürüşmə sahələrində aktivləşməyə son günlər aramsız yağan yağışlarsəbəb olub: "Həmin ərazilərdə torpaq qatının sürüşmə olan hissəsində çatların ölçüsü 2-3 sm-dək genişlənib. Bu ərazilərdə sürüşmənin son günlər aktivləşməsinə təbii amillər təsir edib. Aramsız yağan yağışlar nəticəsində sürüşmə sahələrindəki torpaq qatındakı çatlar genişlənib".
Zülfiyyə QULUYEVA