Yanvarın 22-də Fövqəladə Hallar Nazirliyinin Böhran Vəziyyətlərində İdarəetmə mərkəzindən ANAMA-ya Sumqayıt şəhəri, H. Z. Tağıyev qəsəbəsində 1 ədəd mərminin tapılması barədə məlumat daxil olub.
 
Bu barədə Movqe.az-a ANAMA-dan məlumat verilib.
 
Bildirilib ki, məlumata əsasən ANAMA-nın xüsusi mobil çevik əməliyyat qrupu dərhal həmin əraziyə göndərilib.
 
Mütəxəssislər tərəfindən beton zavod ərazisinə baxış keçirilib, axtarış tədbirləri nəticəsində 20 ədəd 125 mm-lik top mərmisi (BK-14M) aşkar olunub. Havanın qaranlıq olması ilə əlaqədar olaraq əməliyyat 23 yanvarda davam etdirilib, nəticədə aşkar olunmuş mərmilər götürülərək zərərsizləşdirilməsi üçün ANAMA-nın mərkəzi məhvetmə ərazisinə daşınıb.
 
Top mərmilərinin ətrafında 500 kv.m əraziyə yerüstü baxış keçirilib, bundan əlavə təhlükəli əşya və qurğu aşkarlanmayıb.