Bakı Dövlət Universitetinin bakalavrları Zoologiya İnstitutunda təcrübə keçəcəklər
Bakı Dövlət Universitetinin (BDU) biologiya fakültəsinin 19 bakalavrı Azərbaycan Milli Elmlər Akademiyasının (AMEA) Zoologiya İnstitutunda iki ay müddətində istehsalat təcrübəsi keçəcək.
Movqe.az xəbər verir ki, Zoologiya İnstitutundan AZƏRTAC-a bildirilib ki, bu təşəbbüs iki qurum arasında imzalanmış əməkdaşlıq memorandumu çərçivəsində həyata keçirilir. Sənədin imzalanmasının məqsədi gələcəkdə bu uğurlu əməkdaşlıq əsasında iki və çoxtərəfli baza kafedrasının yaradılmasıdır.