Xocalı soyqırımı ilə bağlı Türkiyə Respublikasının Gəncədəki Baş Konsulluğuda geniş tərkibli tədbir keçirilib. Tədbirə iş adamları, universitetlərin professor-müəllimləri, media nümayəndələri və tələbələr dəvət olunmuşdular. Çıxış edənlər xalqımızın yaşamış olduğu Xocalı soyqırımından danışıb, tarixi həqiqətləri dilə gətirib, şəhid olanların ruhuna ehtiramlarını bildiriblər
Konsulluqda keçirilən anım mərasimində Azərbaycan Dövlət Aqrar Universitetininİctimai elmlər və multikulturalizm kafedrasının baş müəllimi, tarix üzrə fəlsəfə doktoru Elgün Aslanov, Yerquruluşu kafedrasının dosenti Aslan Alıyev, Beynəlxalq Əlaqələr Şöbəsinin mütəxəssisi Elşad Qarayev də iştirak edib.
Tarixçi Elgün Aslanov çıxış edib və bildirib ki, cinayətkar erməni və rus qoşunlarının vəhşiliyi nəticəsində Xocalı əhalisindən 613 nəfər öldürülüb, 487 nəfər şikəst olub, 1275 nəfər dinc sakin - qocalar, uşaqlar, qadınlar əsir götürülərək ağlasığmaz erməni zülmünə, təhqir və həqarətlərinə məruz qalıblar. 150 nəfərin taleyi hələ də məlum deyib.
ƏLİHÜSEYN ŞÜKÜROV