Əlaqə Arxiv
news Image
2018.04.19
22:30
| A A A
Sistemə daxil edilməmiş cərimələri sürücülər necə ödəsin?

Sürücülər bəzən cərimə protokollarının ödənilməsi zamanı problemlərlə qarşılaşırlar. Problem inzibati xətaya yol vermiş sürücünün barəsində yazılmış protokolun sistemə köçürülməməsindən qaynaqlanır.

Sürücü cəriməni ödəmək üçün bankavə ya poçta yaxınlaşanda çətinliklə üz-üzə qalır. Çünki ordan bildirirlər ki, cərimə sistemə oturmayıb. Belə olan halda da sürücülər də protokol cərimələrini ödəyə bilmirlər və sürücü məcbur olur ki, DYP-yə getsin və protokolu sistemə daxil etdirsin.

Ərşad Hüseynov (ekspert): “Əgər sürücünün elektron kabineti varsa, həmin prokotol o kabinetə 1 ay ərzində yerləşdirilməzsə, sürücü həmin inzibati qayda pozuntusuna görə, məsuliyyətdən azad olunur. 1 aylıq möhlət var”.

Bəzən də elektron protokol sürücüyə göndərilmiş olsa da, sürücü aylarla banka gedərək onu ödəyə bilmir.

Ərşad Hüseynov (ekspert): “İnternet vasitəsilə ödəmək mümkün olmalıdır. Bank və poçtlardakı ödəniş sistemləri ilə inteqrasiya yoxdur deyə, vətəndaşlar çətinlik çəkirlər. Sistemin qüsurudur”.

Digər problem isə sürücülərin qeydiyyat ünvanı ilə bağlıdır.

Sizin Reklam Yeriniz