Gəncədə törədilmiş cinayətlərlə bağlı daha 7 nəfər həbs edilib - FOTO
2018-ci ilin 10 iyul tarixində Gəncə şəhərində törədilmiş cinayətlərlə bağlı daha 7 nəfər, o cümlədən axtarışda olan İbrahimov Samir Ramiz oğlu həbs edilib.
İbrahimov Samir Ramiz oğlu
Movqe.az bildirir ki, hüquq-mühafizə orqanlarından əldə etdiyi məlumata əsasən, 10 iyul hadisələrinə görə 22 nəfər həbs edilib. 1 nəfər bu gün gecə saatlarında Azərbaycan-Gürcüstan sərhədini Qazax rayonu ərazisindən keçmək istəyərkən saxlanılmışdır.
Eyni zamanda, məlumata görə 3 iyul tarixində Gəncə şəhəri İcra Hakimiyyətinin başçısı Elmar Vəliyevin həyatına sui-qəsdlə bağlı ümumilikdə 13 nəfər həbs olunmuş, 8 nəfər barəsində axtarış elan edilmişdir.
Əməliyyat-axtarış tədbirləri davam etdirilir.