Əlaqə Arxiv
news Image
2019.01.15
15:22
| A A A
Qəbiristanlığa atılan dörd günlük körpə ilə bağlı yeni xəbər

Xəbər verdiyimiz kimi, qeyri-rəsmi nikahdan doğulduğu iddia edilərək Xəzər rayonunun Şüvəlan qəsəbəsindəki qəbiristanlığa atılan dörd günlük qız uşağı hüquq-mühafizə orqanlarının əməkdaşları tapıb.

Oxu.Az-ın əldə etdiyi xəbərə görə, qeyri-rəsmi münasibətdən dünyaya gəldiyi deyilən uşaq ilk olaraq 1 saylı Körpələr Evinə aparılıb. 

Körpələr evinin baş həkimi Simuzər Topçubaşovanın  bildirib ki, onlar körpəni dərhal xəstəxanaya göndəriblər:

“Bəli hüquq-mühafizə orqanları tərəfindən bizə təxminən 3-4 günlük körpə qız uşağı gətirilib. Uşaq bizə gətiriləndə göbəyi belə kəsilməmişdi. Vəziyyəti ağır olduğundan dərhal A.F.Qarayev adına 2 saylı uşaq kliniki xəstəxanasına göndərilib. Hazırda orada müalicə altında saxlanılır”.

A.F.Qarayev adına 2 saylı uşaq kliniki xəstəxanası ilə əlaqə saxladıq. Xəstəxanadan Oxu.Az-a verilən məlumata görə, uşaq ayın 11-də axşam saat 22.30 radələrində körpələr evindən göndərilib:

“Təcili Yardım maşını ilə xəstəxanaya gətirilib. Təxminən dörd günlük uşaqdır. Göbəyi kəsilməmiş halda və ağır vəziyyətdə olub. Vəziyyətinin ağırlığına görə, onu reanimasiya şöbəsində ciddi həkim nəzarətində saxlayırıq. Gətirildiyi günə nisbətən vəziyyəti qənaətbəxşdir. Uşağın vəziyyəti bir qədər də yaxşılaşdıqdan sonra onu müvafiq şöbəyə köçürəcəyik”.

Qeyd edək ki, mətbuatda körpənin anası N.Ağayeva əvvəllər ailəli olduğu, həyat yoldaşının 7-8 il əvvəl dünyasını dəyişdiyi qeyd edilib. Xanımın bu rəsmi nikahdan iki qızı, bir oğlu var. 

Ehtimal edilir ki, qeyri-rəsmi münasibətdən övlad dünyaya gətirən xanım qınaq obyekti olmamaq üçün və ya hansısa başqa səbəbdən çarəni körpəni atmaqda görüb. Uşağın anası 37 yaşlı Nailə Ağayevanın Xəzər Rayon Polis İdarəsinin əməkdaşları tərəfindən saxlanıldığı da qeyd edilir.

Sizin Reklam Yeriniz