2019-cu ilin sonunadək bütün avtobusların "BakıKart" sisteminə inteqrasiyası yekunlaşacaq.

Movqe.az-ın məlumatına görə, bu barədə Bakı Nəqliyyat Agentliyinin idarə heyətinin sədri Vüsal Kərimli bu gün keçirilən mətbuat konfransında bildirib.

V.Kərimli qeyd edib ki, bununla bağlı müvafiq tapşırıqlar verilib:

"Həmçinin ilin sonuna kimi "BakıKart" ödəmə kartının balansının onlayn artırılması mümkün olacaq, bir sərnişinin gün ərzində "BakıKart"dan nə qədər istifadə etdiyi bilinəcək.

Bundan başqa, avtobus sürücülərinin özləri də kartla təmin ediləcək. Kart sisteminə keçid çox çətin prosesdir. Hazırda bununla bağlı bir şirkətlə danışıqlar aparılır. Razılıq əldə ediləndən sonra bu sistemin tətbiqinə başlanacaq və ilin sonuna qədər yekunlaşacaq".