Movqe.az xəbər verir ki, bu
ilin aprel ayında ərzaq məhsullarının qiymətlərinin 0,9 faiz
ucuzlaşması, qeyri-ərzaq mallarının qiymətlərinin və əhaliyə
göstərilən pullu xidmətlərin qiymət və tariflərinin sabit qalması
ümumilikdə istehlak mallarının qiymətləri və xidmət tariflərinin
əvvəlki ayla müqayisədə 0,4 faiz ucuzlaşmasına səbəb olub.
Dövlət Statistika Komitəsindənverilən məlumata görə, ay ərzində
ərzaq məhsullarından unun, manna və qarabaşaq yarmalarının,
vermişel və makaronun, çörəyin, mal ətinin, toyuq ətinin, təzə
balığın, pasterizə olunmamış üzlü südün, yumurtanın, günəbaxan və
zeytun yağlarının, şəkər və şəkər tozunun, limonun, portağalın,
almanın, armudun, şabalıdın, qoz və fındığın, göyərtinin, pomidor
və xiyarın, sarımsağın, göbələyin, soğanın, kartofun qiyməti
ucuzlaşıb.
Ucuzlaşma ilə yanaşı aprel ayında qoyun ətinin, kolbasa
məmulatlarının, sterilizə olunmuş üzlü südün, qarğıdalı yağının,
naringinin, bananın, kələmin, çuğundurun, kökün qiymətlərində
bahalaşma da müşahidə olunub.
Tural
QABILOĞLU