news Image
2012.05.07
20:35
| A A A
Dəniz işçilərinin maaşı artdı
Hava nəqliyyatında çalışanların əmək haqqları da yüksəlib

Bu ilin birinci rübündə nəqliyyat müəssisələrində işləyən 65,7 min muzdlu işçinin 76,2 faizi dövlət müəssisələrində, 23,8 faizi özəl bölmədə çalışır. Dövlət Statistika Komitəsindən ANS PRESS-ə verilən məlumata görə, işçilərin 55,0 faizi yerüstü və boru kəməri, 15,2 faizi su, 8,0 faizi hava nəqliyyatı, 21,8 faizi isə köməkçi və əlavə nəqliyyat fəaliyyəti göstərən müəssisələrdə cəmləşib.

2011-ci ilin yanvar-mart ayları ilə müqayisədə nəqliyyatçıların orta aylıq əmək haqqı 11,1 faiz artaraq 469,0 manat olub. Bu göstərici hava nəqliyyatında 963,2 manat, dəniz nəqliyyatında 643,1 manat, avtomobil nəqliyyatında 418,6 manat, dəmir yolu nəqliyyatında isə 206,0 manat təşkil edib.
Əmək haqqı dəniz nəqliyyatında 20,2 faiz, hava nəqliyyatında isə 8,7 faiz artıb.
İnformasiya və rabitə müəssisələrində işləyənlərin sayı 25,3 min nəfər, bir işçinin orta aylıq əmək haqqı isə 3,9 faiz artaraq 618,5 manat olub.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs