Bakı Metropolitenində ventilyasiya şaxtaları işləmir-Özəl
Feyzulla Orucov:Mən də müşahidə etmişəm bəzən stansiyalarda ventilyasiya şaxtalarını söndürürlər"
Havaların isti keçməsi yeraltı nəqliyyatdan şikayətlənənlərin
sayını artırıb. Digər ictimai nəqliyyat vasitələrindən fərqli
olaraq, metro ilə mənzil başına vaxtında çatmaq mümkün olsa da,
sərnişinlər havalar istiləşəndən bu nəqliyyat vasitəsindən də
istifadənin dözülməz həddə çatdığından gileylənirlər. Pik
saatlarında isə Bakı metropolitenində vəziyyət daha dözülməz
həddə çatır. Üstəlik bəzi stansiyalarda ventilyasiya sisteminin
tez-tez söndürülməsi sərnişinlərin bu şikayətlərini daha da
artırıb. Movqe.az Bakı Metropolitenindəki bütün vaqonların nə
vaxt kondisionerləşdiriləşəcəyini araşdırıb. Bakı Metropoliteninin
Tikilən Bakı Metropoliteni Müdiriyyətinin rəis müavini Feyzulla
Orucov Movqe.az-a açıqlamasında bildirib ki, Bakı
Metropolitenindəki bütün vaqonların yaxın zamanlarda
kondisionerləşdirilməsi qeyri-mümkündür: "Yeni gətirilən qatarlarda
kondisioner sistemi var. Köhnə qatarlara isə kondisioner qoymaq
mümkün deyil. Çünki, həmin qatarların motorlarının gücü buna
çatmaz. Ona görə də, Bakı metropolitenində bütün vaqonların
kondisionerləşməsi vaqon parkı tam yenilənidikdən sonra mümkündür.
O ki, qaldı stansiyalarda ventilyasiya sisteminin işləməməsinə,
bütün stansiyalarda ventilyasiya şaxtaları təmir olunub. Amma mən
də müşahidə etmişəm bəzən stansiyalarda ventilyasiya şaxtalarını
söndürürlər. O gün də İnşaatçılar metrostansiyasında ventilyasiya
sistemi işləmirdi. Bu məsələ araşdırılacaq".