news Image
2014.10.23
16:30
| A A A
Azərbaycanın daha bir rayonunda təhlükəli xəstəlik yayıldı

İmişli rayonunun bir neçə kəndində iribuynuzlu heyvanlar arasında nodulyar dermatit virus xəstəliyinin kliniki əlamətləri müşahidə edilib. Bu barədə Movqe.az-a  Kənd Təsərrüfatı Nazirliyi yanında Dövlət Baytarlıq Nəzarəti Xidmətinin Mətbuat mərkəzinin rəhbəri Yolçu Xanvəli məlumat verib. Məlumatda bildirilir ki, bununla əlaqədar Kənd Təsərrüfatı Nazirliyi yanında Dövlət Baytarlıq Nəzarəti Xidmətinin rəis müavini Azər Süleymanov İmişli rayonuna ezam olunub. Oktyabrın 23-də Dövlət Baytarlıq Nəzarəti Xidmətinin rəis müavininin rəhbərliyi altında xidmət əməkdaşları xəstəlik qeydə alınan kəndlərdə dezinfeksiya, desinseksiya işləri aparmaqla, heyvanlarda simptomatik müalicə tədbirlərini həyata keçiriblər.Dövlət Baytarlıq Nəzarəti Xidmətinin rəis müavini Azər Süleymanov İmişli rayonunun kəndlərindəki xəstəlik qeydə alınan bütün təsərrüfatlarda olub. Fermerlərə və ayrı-ayrı təsərrüfat sahiblərinə xəstəlik barədə ətraflı məlumat verərək xəstəliyin müalicəsi istiqamətində aparılan məqsədyönlü tədbirlərdən danışıb. Eləcə də vurğulayıb ki, aparılan dezinfeksiya, dezinseksiya və simptomatik müalicə tədbirləri öz effektini verməkdədir. Artıq xəstəliyin dinamikasında enmələr müşahidə edilir. A.Süleymanov qeyd edib ki, xidmət xəstəliyə qarşı mübarizədə bütün imkanları səfərbər edir və edəcəkdir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs