news Image
2015.04.03
22:30
| A A A
Avropa Oyunlarının bağlanış mərasiminin bədii direktoru məlum oldu

Bu gün "Bakı-2015" Birinci Avropa Oyunları Ceyms Hedleyin bağlanış mərasiminin bədii direktoru təyin edildiyini açıqlayıb. Oyunların Əməliyyat Komitəsindən movqe.az-a verilən məlumata görə, C.Hedley peşəkar teatr və sirk sənətində, eləcə də iri tədbirlərin idarə olunmasında 25 illik təcrübəyə malikdir. O, Şimali Amerikada Mystère, La Nouba, "O", The Beatles' LOVE, Ka, Iris and Zumanity daxil olmaqla, bir sıra tamaşaların qurulmasında "Cirque du Soleil's" şirkətinin baş bədii direktoru olub və "Qremmi" mükafatı, "Tonight Show", "Live with Kelly and Michael", "Ellen De Generes Show" və "Today Show" kimi proqramları hazırlayıb."Bakı-2015" Avropa Oyunlarının bağlanış mərasimi 50 ölkənin nümayəndə heyətinin üzvlərini, 6000-dən çox idmançını, eləcə də onların ailələrini, məşqçilərini, könüllüləri, tərəfdaşları və ümumilikdə, bütün ictimaiyyəti birləşdirən vida şousu olacaq.C.Hedley bu xüsusda deyib: "Bakı-2015" üçün bağlanış mərasimi tamaşasını təşkil etmək şərəf, eyni zamanda, bir məsuliyyətdir. Məqsədim Avropa Oyunlarına layiq olduğu möhtəşəm final səhnəsini bəxş etmək və mərasimə qatılanlar, həmçinin dünyanın müxtəlif yerlərində izləyənlər üçün unudulmaz şou yaratmaqdır".Libbi Haylend C.Hedleyin yaradıcı əməkdaşı olacaq və "Bakı-2015" bağlanış mərasiminin yaradıcı direktoru qismində fəaliyyət göstərəcək. Libbi "Rio-2007" və "Qvadalahara-2011" Panamerika Oyunları da daxil olmaqla, bir sıra tədbirlərin yaradıcı işlərinə rəhbərlik edib."Bakı-2015" Avropa Oyunlarının mərasimlər üzrə direktoru xanım Katerina Uqvu yeni təyinatla bağlı bunları deyib: "Ceyms və Libbi artıq Bakıda yaratdığımız güclü bədii komandanı tamamladılar. Onların yaradıcı gücü "Five Current prodakşn"ın təcrübəsi ilə birləşərək, Avropa Oyunlarının bağlanışı üçün layiqli mərasim ərsəyə gətirəcək".Skot Givensin rəhbərlik etdiyi "Five Currents" aparıcı şirkəti "Bakı-2015" Avropa Oyunlarının açılış və bağlanış mərasimlərinin təşkilatçısıdır. Şirkət "Soçi-2014" Qış Olimpiya, "Rio-2007" və "Qvadalahara-2011" Panamerika Oyunlarının açılış və bağlanış mərasimlərini, "Cinco de Mayo"nun 15 illik yubileyini və Rio-de-Janeyroda "Reveillon Copacabana" Yeni il tamaşası da daxil olmaqla, bir çox tədbirləri təşkil edib.Açılış və bağlanış mərasimləri yeni tikilmiş Bakı Olimpiya Stadionunda 68 minlik izləyici kütləsi və dünyanın müxtəlif yerlərindən olan televiziya izləyicilərinin gözü qarşısında baş tutacaq.

Açılış və bağlanış mərasimlərinə biletlər martın 20-dən http://az.baku2015.com/tickets/index.html saytında onlayn satışa çıxarılıb və bu gündən başlayaraq biletləri Park Bulvar, 28 Mall və Metro Park da daxil olmaqla, Bakının müxtəlif ticarət mərkəzlərində quraşdırılmış satış məntəqələrində də almaq olar.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs