news Image
2015.04.04
16:11
| A A A
Reklam xərcləri 100 milyard dolları ötəcək
"eMarketer" analitik agentliyinin məlumatına əsasən, 2016-cı ildə dünyada mövcud olan mobil telefon və planşetlərdə göstəriləcək reklama 101,37 milyard ABŞ dolları xərclənəcək ki, bu da 2013-cü illə müqayisədə 430 faiz yüksəkdir. 2016-2019-cu illərdə mobil reklama sərf ediləcək xərclər təxminən iki dəfə yüksələrək 195,55 milyard dollara çatacaq.

Movqe.az Milli.Az-a istinadən bildirir ki, mobil reklama xərclərin artımı mobil qurğuların daima artan populyarlığı hesabına təmin olunur. Gözləntilərə görə, növbəti il dünyada smartfon istifadəçilərinin sayı 2 milyarda çatacaq ki, onların da 25 faizi Çində yaşayacaq. Bu halda inkişaf etməkdə olan bazarlarda bir çox istehlakçılar yalnız mobil qurğular vasitəsilə internetdən istifadə edir və buna görə aparıcı elan verənlər müvafiq olaraq öz rəqəmli xərclərini bölüşdürürlər.

Smartfon auditoriyası ilə müqayisədə dünyada planşet istifadəçilərinin sayı bir qədər zəif yüksəlir. Gözləntilərə görə, cari il onların sayı 1 milyardı ötəcək.

Yaxın gələcəkdə mobil reklam sahəsinə xərclərin artımı aparıcı dünya bazarlarının (xüsusilə, ABŞ və Çin) hesabına həyata keçiriləcək. 2016-cı ildə amerikalı elan verənlər mobil reklama 40,24 milyard dollar xərcləyəcək ki, bu da 2014-cü illə müqayisədə iki dəfə yüksəkdir. Çin mobil reklama 22,14 milyard dollar xərcləyəcək ki, bu da 2014-cü illə müqayisədə üç dəfə yüksəkdir.

Növbəti il Böyük Britaniya, Yaponiya və Almaniya, həmçinin mobil reklama xərclərini xeyli artıracaq, buna görə də 2017-ci ildə ilk dəfə olaraq rəqəmli reklam xərclərinin çox hissəsi mobil qurğuların payına düşəcək.

Gözləntilərə görə, növbəti il Kanada və Avstraliya Cənubi Koreyanı ötərək mobil reklam bazarının həcminə görə müvafiq olaraq altıncı və yeddinci pilləni tutacaqlar. 2018-ci ilədək Braziliya dünyanın doqquzuncu mobil reklam bazarı olacaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs