news Image
2012.08.24
11:14
| A A A
Ali məktəblərin boş qalan yerlərinə ixtisas seçimi başa çatdı

Azərbaycanda ali məktəblərin boş qalan yerlərinə və tam orta təhsil bazasında orta ixtisas müəssisələrinə ixtisas seçimi başa çatıb. Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadənin APA-ya verdiyi məlumata görə, bu il ali məktəblərdə 1924 plan yeri vakant qalıb. II ixtisas qrupunda qəbul planı 100 faiz yerinə yetirilib. I ixtisas qrupunda 799, III qrupda 510, IV qrupda isə 615 plan yeri boş qalıb.

Ali məktəblərin cari ildə ayrılmış 33918 plan yerinə 31994 abituriyent qəbul olub. Qəbul planı 94 faiz dolub.

Cari ildə 11 illik təhsil bazasından 54 orta ixtisas təhsili müəssisəsində 8727 plan yeri ayrılıb. Onlardan 7174-si Azərbaycan bölməsi, 36 yer isə rus bölməsinin abituriyentləri üçün, 1517 plan yerinə isə Azərbaycan və rus bölməsinin abituriyentləri üçün birgə müsabiqə keçiriləcək.