news Image
2016.05.16
09:15
| A A A
ANAMA 9 partlayış yerinə baxış keçirib (FOTO)

Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Tərtər və Füzuli rayonlarında aşkar olunan partlamamış hərbi sursatlar (PHS) haqqında hesabat açıqlanıb.


ANAMA-dan Movqe.az-a verilən məlumata görə, hesabatda bildirilir:


Tərtər rayonu


Əskipara kəndi - 2 ev və həyətyanı sahədə 2 şübhəli əraziyə baxış keçirilmişdir. Şübhəli ərazilər müvafiq olaraq 180 və 50 sm dərinliyində qazılmış və orada partlamış sursatın qalıqları aşkar edilmişdir. Təhlükəsizlik tədbirlərini nəzərə alaraq 7 500 kv. m. ərazi yoxlanılmışıdır.


Cəmilli kəndi - 1 əkin sahəsinə və 2 taxıl sahəsinə baxış keçrilmiş, partlamamış sursat aşkar edilməmişdir. Təhlükəsizlik tədbirlərini nəzərə alaraq 6500 kv. m ərazi yoxlanılmışdır. Ərazidə əməliyyat növbəti gün də davam etdiriləcəkdir.


Qaynaq kəndi - 2 otlaq sahəsinə baxış keçrilmiş, 1 ədəd 122 mm-lik top mərmisi olmaqla ümumilikdə 2 ədəd Top mərmisi partlamış halda aşkar edilmişdir. Təhlükəsizlik tədbirlərini nəzərə alaraq 1 100 kv. m ərazi yoxlanılmışıdır.


Cəmi: 2 ev və həyətyanı sahəyə, 1 əkin sahəsinə, 2 otlaq və 2 taxıl sahəsinə baxış keçrilmiş, partlamamış hərbi sursat aşkar edilməmiş, 15 100 kv.m ərazi qəlpə və digər çirklənmədən təmizlənmişdir.


Füzuli rayonu


Şükürbəyli kəndi - 2 otlaq sahəsinə baxış keçrilmiş, 1 m dərinlikdən 2 ədəd BR-21 raketinin partlamış qalıqları aşkarlanmış, nəticə etibarı ilə 605 kv. m ərazi qəlpə və digər çirklənmədən təmizlənmişdir.


Cəmi: 2 otlaq sahəsi, 2 partlayış yeri aşkar edilmiş və nəticə etibarilə 605 kv. m ərazi təmizlənmışdir.


15 May tarixində 2 ev və həyətyanı sahədə, 4 otlaq sahəsi, 1 əkin sahəsi və 2 taxıl sahəsi də daxil olmaqla 9 partlayış yerinə baxış keçirilmiş, gün ərzində 15 705 kv. m ərazi təmizlənmişdir.


Ümumilikdə Agentlik tərəfindən 7 Aprel - 15 May 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 482 ev və həyətyanı sahə, 2 hərbi hissə, 2 kənd qəbiristanlığı, 3 kənd orta məktəbi, 1 tibb məntəqəsi, 14 ferma, əkin sahələri və 1 çaxır zavodu ərazisinə baxış keçirilmiş, 1 420 ədəd partlamamış hərbi sursat, 11 ədəd piyada əleyhinə mina (PMN), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilmişdır.


Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs