Ötən il ərzində nikaha daxil olmaq istəyən 74 nəfərdə İİV-ə yoluxma halı aşkarlanıb.  Bu barədə məlumatı Movqe.az-a açıqlamasında  Səhiyyə Nazirliyinin Respublika QİÇS-lə Mübarizə Mərkəzinin Epidemoloji Nəzarət və Proflaktika şöbəsinin müdiri Afət Nəzərli deyib. A. Nəzərlinin sözlərinə görə, həmin şəxslərdən ikisi xəstəlik aşkarlandıqdan sonra nikaha daxil olmaqdan imtina edib. Şöbə müdiri bu ilin ilk ayında QİÇS-lə Mübarizə Mərkəzində 4704 nəfər İİV-lə yaşayan insanın qeydiyyata alındığını söyləyib.