Azərbaycanda məcburi köçkünlərin məskunlaşdığı yeganə fin tipli qəsəbə yaxın vaxtlarda ləğv ediləcək. Bu barədə Movqe.az-a məlumatı Qaçqın və Məcburi Köçkünlərin İşləri üzrə Dövlət Komitəsinin mətbut xidmətinin rəhbəri Elçin Qədimov verib. E. Qədimov bildirib ki, hazırda Fizuli rayonu ərazisində 400 ailəlik yeni qəsəbənin tikintisi aparılır. Tikinti işləri başa çatdıqdan sonra həmin qəsəbəyə Fizulidə qalmış yeganə fin evlərdə məskunlaşmış məcburi köçkünlər köçürüləcək. Bununla da Azərbaycanda vaxtıilə məcburi köçkünlərin məskunlaşdığı 16 fin qəsəbənin hamısı ləğv edilmiş olacaq.