news Image
2016.06.14
17:10
| A A A
Azərbaycanda vizalar üçün dövlət rüsumunun məbləği azaldıldı, bəzi rüsumlar ləğv edildi

Azərbaycanda birdəfəlik giriş vizalarının rəsmiləşdirilməsi üçün tələb olunan dövlət rüsumunun məbləği azaldılıb, bəzi rüsumlar isə ləğv edilib.


Movqe.az-ın məlumatına görə, bu barədə məsələ Milli Məclisin bu gün keçirilən növbədənkənar iclasında müzakirə edilən "Dövlət rüsumu haqqında" qanuna dəyişiklikdə öz əksini tapıb.


Hazırda birdəfəlik giriş vizalarının rəsmiləşdirilməsi üçün tələb olunan dövlət rüsumunun məbləği 50 ABŞ dolları olduğu halda, yeni qəbul olunan layihədə birdəfəlik giriş vizaları və tranzit vizalarının rəsmiləşdirilməsi üçün dövlət rüsumunun məbləğinin 20 ABŞ dolları olub.


Layihə əsasında Azərbaycanda və ya Azərbaycanın xarici ölkələrdəki diplomatik nümayəndəliklərində aparılan konsul əməliyyatları üçün bəzi dövlət rüsumları da ləğv edilib.


Konsul əməliyyatları üçün turizm vizalarının və şəxsi kontraktla təhsil alan tələbələrin vizalarının rəsmiləşdirilməsi (dövlət rüsumu 20 ABŞ dollarıdır), tranzit vizalarının rəsmiləşdirilməsi (dövlət rüsumu birdəfəlik tranzit vizası üçün 20, ikidəfəlik tranzit vizası üçün 40 ABŞ dollarıdır) üçün tələb olunan dövlət rüsumları ləğv edilib.


Qanunun indiyədək olan variantına görə, xarici ölkələrin müvafiq orqanları tərəfindən Azərbaycan vətəndaşlarına münasibətdə viza rəsmiləşdirilməsi üçün tutulan rüsumun məbləği bu qanunla eyni hərəkətlərə görə müəyyən edilmiş məbləğdən fərqli olduqda, dövlət rüsumunun dərəcəsi müvafiq icra hakimiyyəti orqanının qərarı ilə həmin ölkələrdə Azərbaycan vətəndaşlarına münasibətdə tutulan rüsum səviyyəsində tətbiq edilir. Yeni qəbul olunan layihədə isə bu məsələ ləğv edilib.


Dəyişikliklərin məqsədi Azərbaycana əcnəbilərin turizm məqsədi ilə gəlməsini asanlaşdırmaq, ölkəmizin ərazisini tranzit daşımaları üçün əlverişli etmək və xarici ölkə vətəndaşlarının tranzit nöqtəsi kimi seçməkdə marağını gücləndirməkdir.


Dəyişikliklər müzakirələrdən sonra səs qoyularaq qəbul edilib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs