news Image
2016.06.22
15:45
| A A A
Nazir: "Möhlət hüququnun verilməsi ilə elmimizin inkişafında yeni reallıq yaranacaq"

"Azərbaycan Prezidenti İlham Əliyevin fərmanı ilə bakalavr, magistr və doktorantlara hərbi xidmətdən möhlət hüququ verən qanunun qüvvəyə minməsi elm və təhsil insanları üçün əlamətdar hadisədir. Bu, Azərbaycan təhsili və elminin gələcəyinə qoyulan sərmayədir, inkişafımızın insan kapitalı ilə bağlı olmasının təzahürüdür".


Movqe.az-ın məlumatına görə, bunu təhsil naziri Mikayıl Cabbarov deyib.


Onun sözlərinə görə, bu fərman gənclərin elmə daha geniş cəlb olunmasına imkan yaratmaqla yanaşı, elmimizin inkişafında bir çox cəhətdən əngələ çevrilən yaş, cins qeyri-bərabərliyinin aradan qaldırılması üçün yeni reallıq yaradacaq: "Elm gücdür! Bu ifadə dünyamızın inkişaf ideologiyasının açar sözləridir. Azərbaycan gənci də elmi dünyagörüşü ilə, inkişafın lokomotivi olmaq enerjisi ilə bu sərmayədən faydalana biləcək. Ölkəsinin gücünə güc qatmaq üçün təhsildən, elmdən bərk tutacaq, elmi nailiyyətlərə yiyələnmək üçün təhsilinin fasiləsizliyindən yararlana biləcək".


M.Cabbarov qeyd edib ki, Azərbaycan əhalisinin böyük bir qismini gənclər təşkil edir: "Gənclik qüvvəsinin elmə daha artıq qatqısı sinerji effekti yaradır. Bu güc isə böyük ixtiraların, innovasiyaların və beləliklə, dünyada ölkələrin üstün nüfuz göstəricisinə çevrilən elmi nəticələrin qazanılması deməkdir. Ali təhsil müəssisələrinin qarşısında duran vəzifələrdən biri də innovativ layihələrin həyata keçirilməsi üçün şərait və mühitin yaradılmasıdır. Bizneslə elmi ixtiraların görüş nöqtəsi üçün ən münbit və müvafiq yer məhz universitet olmalıdır. Bu qərarın qəbul olunmasında böyük uzaqgörənlik və müdrik yanaşma nümayiş etdirən ölkə başçısı cənab İlham Əliyevə dərin təşəkkür edirik".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs