"Bu arvad öz kimliyini, rəsmi tutduğu statusu yadından çıxarıb. Onun narahatlığı bunu deməyə əsas verir ki, Novruz Məmmədov düzünü deyib".

Movqe.az-ın xəbərinə görə, bunu deputat Qüdrət Həsənquliyev Rusiya Xarici Nazirliyinin rəsmi nümayəndəsi Mariya Zaxarovanın Azərbaycan Prezident Administrasiyası rəhbərinin müavini, qurumun xarici əlaqələr şöbəsinin müdiri Novruz Məmmədovun açıqlamasını təkzib etməsinə münasibət bildirərkən deyib.

Deputat qeyd edib , bu danışıqlar ermənipərəst qüvvələri ciddi şəkildə narahat edib:

"Bu o deməkdir ki, Novruz Məmmədov düzünü deyib. Mariya Zaxarova ermənipərəst adamdır. XİN də ona başa düşdüyü formada layiq olduğu cavabı verməlidir".