news Image
2016.11.29
13:36
| A A A
Baş pediatr: “Süni mayalanma məsələsində pediatr və mama-ginekoloqlar arasında narazılıq var”

"Uşaq həkimləri olaraq süni mayalanma zamanı uşaq sayının ya tək, ya da əkiz olmasının tərəfdarıyıq. Çünki bu məsələ ilə bağlı narazılıqlar var". Movqe.az-ın məlumatına görə, bunu Səhiyyə Nazirliynin baş pediatrı, K.Fərəcova adına Elmi-Tədqiqat Pediatriya İnstitutunun direktoru Nəsib Quliyev bu gün "Uşaqların icbari dispanzerizasiyadan keçirilməsinə dair Dövlət Proqramı"nın icrasının yekunlarına həsr olunmuş tədbirdə deyib.

Azərbaycanda son illər süni mayalanmanın sayında artımın olduğunu deyən baş pediatr qeyd edib ki, əslində, süni mayalanmanı həyata keçirən mütəxəssis mütləq şəkildə uşaqların sayının bir və ya iki (əkiz) olmasına diqqət yetirməlidir: "Müəyyən problem mövcuddur. Əslində mayalanmanı həyata keçirən şəxs nəzərə almalıdır ki,  uşaqların sayı bir və ya ikidən çox olmasın. Lakin həmin şəxs də özünü sığortalamaq, gələcəkdə ona verilən pulu geri qaytarmamaq üçün bir neçə mayalanmış yumurtanı qadının uşaqlığının selikli qişasına implantasiya edir ki, onların "baş tutma" reallığı yüksək olsun. Elə analar da olur ki, bu embrionların hamısı inkişaf edir və nəticədə çoxdöllü hamiləlik olur".

N.Quliyev deyib ki, mütəxəssislər müəyyən metodlar vasitəsilə mayalanmış yumurtanın bir qismini reduksiya edə, yəni götürə bilərlər. Lakin bunu etmirlər:

"Ona görə də təbii ki, çoxdöllü hamiləlik olur. Çoxdöllülük özü həm ana, həm də uşaq üçün böyük risk faktorudur. Çoxdöllü hamiləliyi olanların doğuşu əslində yuxarı, yəni üçüncü səviyyəli doğuşayardım müəssisəsində həyata keçirilməlidir. Çünki burada böyük risk var. Əgər süni mayalanma zamanı ana beşəm dünyaya gətirəcəksə, onda elə ilk gündən risk faktoru meydana çıxır. Hamiləliyin ilk həftəsində döllənmiş embrionların inkişaf etməyə başladığını görən mütəxəssis elə həmin vaxt mütləq tədbir görməlidir. Bunu etmədikdə nəticə ürəkaçan olmur".

 

Zülfiyyə Quluyeva

 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs