news Image
2017.03.04
11:00
| A A A
Novruz bayramında Azərbaycana daha çox turist hansı ölkədən gələcək?

Novruz bayramı günlərində Azərbaycana daha çox turistin İrandan gələcəyi gözlənilir.

Movqe.az bildirir ki, bunu Trend-ə Azərbaycan Turizm Assosiasiyası (AzTA) sədrinin müşaviri Müzəffər Ağakərimov deyib.

Onun sözlərinə görə, hotellərdəki yerlərin çoxu İran turistləri tərəfindən bronlaşdırılıb.

M.Ağakərimov qeyd edib ki, Novruz bayramı günlərində Azərbaycana ərəb ölkələrindən, Rusiyadan da turistlərin gələcəyi gözlənilir:

"Bakıdakı hotellərdə demək olar ki, yerlər qalmayıb. Lakin İrandan ölkəmizə gələn turistlər yalnız hotellərdə qalmırlar. Onlar Azərbaycana gəldikləri zaman ayrı-ayrı evlərdə də yerləşirlər".

AzTA rəsmisi qeyd edib ki, Novruz bayramı günlərində ölkəmizə gələcək turistlər üçün müxtəlif dillərdə ekskursiyaların təşkil edilməsi imkanları da var.

M.Ağakərimovun sözlərinə görə, Azərbaycana gələn turistlərin sayı martda artacaq. Lakin turistlərin sayının artması sonrakı aylarda da davam edəcək:

"Qarşıdan 4-cü İslam Həmrəliyi Oyunları və Formula - 1 Azərbaycan Qran Prisi də gəlir. Proqnozlarımıza görə, beynəlxalq konfransların, konqreslərin, simpoziumların keçirilməsi ilə əlaqədar payız aylarında da turistlərin sayı artacaq".

Qeyd edək ki, Azərbaycanda Novruz bayramı martın 20-21-də qeyd edilir. Novruz bayramı ilə əlaqədar 20-24 mart tarixləri, yəni 5 gün qeyri-iş günü hesab ediləcək.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs