Partlayış Xudat şəhəri, Yalama və ətraf kəndləri mavi yanacaqla təmin edən yüksəktəzyiqli magistral xətdə baş verib

Xaçmaz rayonunun Ləcət kəndi ərazisində magistral qaz xəttində partlayış olub. Hhadisə ötən gün axşam saatlarında qeydə alınıb. Kəndin yaxınlığından keçən, Xudat şəhərini, Yalama və ətraf kəndləri mavi yanacaqla təmin edən yüksəktəzyiqli magistral xətdə baş verib.

Siyəzən qaz kəmərləri sahəsinin rəisi Yaşar Hüseynovun sözlərinə görə, kəmər karroziyaya uğrayıb. 5 sm sahədə əvvəl sızma, partlayış, sonra isə yanğın olub. Onun sözlərinə görə, hadisəyə səbəb uşaqların ehtiyatsızlığı olub. Partlayış nəticəsində qaz verilişi dayanmayıb. 

Kəmərin bərpası istiqamətində iş gedir. 

Hadisə yerinə Fövqəladə Hallar Nazirliyinin Xaçmaz Dövlət Yanğından Mühafizə Hissəsinin yanğınsöndürən maşını və canlı qüvvəsi cəlb olunub. Hadisə zamanı xəsarət alan olmayıb. Hazırda ərazidə təmir işləri aparılır. Faktla bağlı araşdırma aparılır.a