news Image
2013.03.14
10:35
| A A A
Pensiyalar martın 18-nə kimi veriləcək
Novruz bayramı ilə əlaqədar Azərbaycanda bütün pensiyaçılar pulunu tez alacaq

Qarşıdan gələn novruz bayramı ilə əlaqədar, Azərbaycanda martın 18-dək bütün təqaüdçülər pensiyalarını alacaqlar. Bunu jurnalistlərə, Dövlət Sosial Müdafiə Fondunun sədri Səlim Müslümov bildirib. Onun sözlərinə görə, indi ölkənin bir sıra rayonlarında pensiyalar sahiblərinə çatdırılıb. Belə ki, Bakı, Sumqayıt şəhərində, Abşeron rayonunda, Naxçıvan Muxtar respublikasında, ümumiyyətlə, qaçqın və məcburi köçkünlərin yaşadığı rayonlara pensiyalar köçürülüb. O deyib ki, hazırda fondun hesabında 70 milyon manatdan çox vəsait qalıb və bu, digər rayonlara köçürüləcək.