news Image
2013.03.19
12:48
| A A A
Bahar Azərbaycana sabah saat 15.02-də gələcək

Bahar Azərbaycana sabah Bakı vaxtı ilə təxminən 15.02 radələrində qədəm qoyacaq. Movqe.az-ın Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanasından aldığı  məlumata görə, Bakı ərazisində bahar 15.02 radələrində, qərb rayonlarında və o cümlədən, Naxçıvan ərazisində isə 10 dəqiqə gec daxil olacaq.


Bu gün Günəş səmanın cənub yarımkürəsindən şimal yarımkürəsinə keçid edəcək. Həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaq. Bu nöqtəyə astronomiyada "yaz bərabərliyi nöqtəsi" deyilir.

 

Günəş həmin nöqtədə olanda gecə və gündüz bərabərliyi qeydə alınacaq. Həmin andan başlayaraq, şimal yarımkürəsində astronomik bahar başlayır və bu, iyun ayının 21-nə qədər davam edir.