Movqe.az xəbər verir ki, Cizvit Təriqətindən və Cənubi Amerikadan seçilən ilk Papa olan Argentinalı Françesko, daha bir ilklə gündəmə gəlib. Papa, bazar günü qeyd olunacaq olan Pasxa bayramından əvvəl Müqəddəs Cümə axşamı səbəbiylə, Roma yaxınlığındakı "Casal del Marmo Islahevi"ni ziyarət edib. Burada 50-yə yaxın məhkum gənclə görüşən Papa Françesko, Həzrəti İsanın ayaq yuma ayinini reallaşdırıb. Papa Françesko, aralarında Serbiyalı Müsəlman bir qız və Katolik olan başqa bir qızın da olduğu, fərqli dinlərə və millətlərə mənsub 12 gənc məhkumun ayaqlarını yuyaraq öpüb. Yerə diz çökərək, gümüş bir qabla yuma ayinini həyata keçirən 77 yaşlı Papa, "Müqəddəs Torpaqlar" olaraq tanınan İsrail və Fələstin arasındakı bəzi şəhərlərdən gətirilən xüsusi parçalarla toxunmuş dəsmallarla məhkumların ayaqlarını qurulayıb.