Kişi məhkumlara ətək cəzası
Movqe.az xəbər verir ki, İranda kürdlərin
sıx olduğu Merivan şəhərində bir məhkəmə kişi məhkumlara Kürd
qadınların qırmızı rəngli yerli paltarlarını geydirərək küçələrdə
gəzmək cəzası verib. Kürd xəbər agentliyinin xəbərinə görə,
Merivanda bir məhkəmə 1 ay arayla 3 ayrı təqsirkara, "Kürd
qadınların qırmızı rəngli yerli paltarlarıyla küçələrdə gəzmək"
cəzası verib. Məhkəmənin qərarı xüsusilə kürd feministlərin
etirazına gətirib çıxarıb. Məhkəmə qərarı ilə Kürd qadınların yerli
paltarlarının alçaldıldığını müdafiə edən feministlər ötən gün
Merivanda nümayiş keçirib. Qırmızı rəngli yerli paltarlarıyla
küçələrə axın edn qadınlar, bu cür cəzalarla əslində kürd xalqının
alçaldıldığını ifadə edərək etiraz nümayişi təşkil edib.