news Image
2013.07.05
12:27
| A A A
4 yaşlı uşağın qaçırılması barədə verilən xəbərə aydınlıq gətirildi
Səhiyyə İdarəsi Bakıda xəstəxanadan 4 yaşlı uşağın qaçırılması barədə verilən məlumatlara münasibət bildirib

Bakı şəhər Səhiyyə İdarəsi ötən gün paytaxt xəstəxanalarının birində müalicə alan uşağın qaçırılması barədə yayılan məlumatlara aydınlıq gətirib. Bakı şəhər Səhiyyə İdarəsinin rəis müavini Rauf Nağıyev APA-ya açıqlamasında hadisənin təfərrüatlarını danışıb. O bildirib ki, xəstəxanada heç bir qaçırılma faktı qeydə alınmayıb, sadəcə, məsələ məhkəmənin qərarı icra olunub: "Hadisə 6 saylı Uşaq Klinik Xəstəxanasında qeydə alınıb. 2009-cu il təvəllüdlü, Sabirabad rayon sakini olan  Abbasov Elsevər bronxial-astma diaqnozu ilə 6 saylı Uşaq Klinik Xəstəxanasına yerləşdirilib. Uşağın vəziyyəti hazırda yaxşıdır. Bu vaxta kimi uşaq ata nənəsi ilə xəstəxanada müalicə alıb. Uşağın valideynlərinin işi isə məhkəmə vəziyyətində olub. Məhkəmənin son qərarı ilə uşaq anaya verilib. Buna əsasən də məhkəmə qərarının icraçıları ilə birlikdə ata nənənin yanında uşağın anası və nənəsi gəlib onu xəstəxanadan götürüblər. Məhkəmənin qərarı ilə xəstəxananın həyətində icraçılar tərəfindən uşaq götürülərək anaya verilib".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs