news Image
2013.07.11
12:03
| A A A
Azərbaycan mətbuatının “qara siyahı”sında yer alan KİV-lərin sayı açıqlanıb

Mətbuat Şurasının sədri Əflatun Amaşov Azərbaycan mətbuatında "Reket jurnalistika"ya qarşı görülən mübarizə tədbirlərini açıqlayıb.


Mövqe.az-ın xəbərinə görə, Əflatun Amaşov Azərbaycan jurnalistlərinin VI Qurultayında çıxışı zamanı deyib.

 

O bildirib ki, keçən qurultayın qətnaməsində "reket jurnalistika"ya qarşı mübarizə də Mətbuat Şurasının prioritet vəzifələrindən biri kimi müəyyənləşdirilib. Qurultaydan sonra bu işin keyfiyyətcə yeni mərhələyə qədəm qoyduğunu deyən Ə.Amaşov qeyd edib ki, şuranın "Reket jurnalistika"ya qarşı mübarizə komissiyası yaradılıb: "Mətbuat Şurası tərəfindən 2009-cu ilin "reket jurnalistika"ya qarşı mübarizə ili elan edilməsi bu istiqamətdəki səylərin artırılmasında özünü göstərdi. Əgər 2008-ci ildə adları "qara siyahı"ya salınan qəzet və jurnalların sayı 36 idisə, 2009-cu ildə bu rəqəm 94-ə, 2010-cu ildə 110-a çatıb. Mətbuat Şurası etik prinsiplərə sayğısız yanaşan, peşə fəaliyyəti ilə bir araya sığmayan hallara mütəmadi yol verən mətbu orqanlarla bağlı məsələləri yalnız onların adlarının "qara siyahı"ya salınması ilə yetərli saymayıb. Şuranın tərkibində yaradılan apellyasiya qrupunun apardığı araşdırmalara istinadən düz yola qayıtmaq istəyənlərin müraciətlərinə baxılıb. Milli mətbuatımızın 135 illik yubileyi münasibətilə "qara siyahı"dan 26 qəzet və jurnalın adının çıxarılması barədə qərar qəbul edib. Sonrakı illərdə daha 14 qəzet siyahıdan çıxarılıb. Hazırda "qara siyahı"da 84 KİV-in adı yer alıb".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs