news Image
2013.07.13
14:52
| A A A
Rəsmi Bakı Vyanada Dağlıq Qarabağ münaqişəsinin həllində mövcud status-kvonun qəbuledilməz olduğunu bəyan edib

Azərbaycanın xarici işlər naziri Elmar Məmmədyarov Vyanada ATƏT-in Minsk qrupunun həmsədrləri ilə görüşündə, eyni zamanda, Ermənistanın xarici işlər naziri Edvard Nalbandyanın da iştirak etdiyi çoxtərəfli görüşdə Dağlıq Qarabağ münaqişəsinin həllində mövcud status-kvonun qəbuledilməz olduğunu bəyan edib. Bu barədə Trend-ə Azərbaycan Xarici İşlər Nazirliyinin mətbuat katibi Elman Abdullayev deyib.

Abdullayevin sözlərinə görə, hər iki görüşdə Dağlıq Qarabağ probleminin həlli məsələləri müzakirə edilib. Görüşdə Azərbaycan tərəfi bir daha bəyan edib ki, münaqişənin həllində irəliləyişə nail olmaq üçün ilk növbədə Ermənistan Silahlı Qüvvələri Azərbaycanın işğal olunmuş ərazilərini tərk etməlidir:

"Görüşdə həmçinin qeyd olunub ki, münaqişənin həll olunmamış qalması regionda sülhün bərqərar olmasına təhdiddir. Ona görə də beynəlxalq ictimaiyyət münaqişənin həlli üçün Ermənistana təzyiqlərini artırmalıdır".

Qeyd edək ki, iyulun 12-də Vyanada Azərbaycanın xarici işlər naziri Elmar Məmmədyarov və Ermənistanın xarici işlər naziri Edvard Nalbandyanın ATƏT-in Minsk qrupunun həmsədrləri Jak For (Fransa), Yan Kelli (ABŞ) və İqor Popov (Rusiya) ilə birgə görüşü keçirilib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs