news Image
2013.07.26
16:45
| A A A
Azərbaycanda sümük iliyinin transplantasiyasına hazırlıq işləri aparılır-Eksklüziv
Zaur Məmmədbəyov: "Azərbaycanda ilk dəfə olaraq Respublika Talassemiya Mərkəzində sümük iliyinin transplantasiyası həyata keçiriləcək"

Azərbaycanda, Respublika Talassemiya Mərkəzində hematopoetik kök hüceyrələrinin transplantasiyasına, sümük iliyinin köçürülməsinə hazırlıq işləri aparılır. Bu barədə məlumatı Movqe.az-a eksklüziv olaraq Respublika Talassemiya Mərkəzininin müalicə işləri üzrə direktor müavini Zaur Məmmədbəyov verib. Z. Məmmədbəyov bildirib ki, Azərbaycanda ilk dəfə olaraq  Respublika Talassemiya Mərkəzində sümük iliyinin transplantasiyası həyata keçiriləcək: "Bu səhiyyəsi sürətlə inkişaf etmiş ölkələrdə aparılan əməliyyatdır. Dünyada bahalı əməliyyatlardan sayılan hematopoetik kök hüceyrələrinin transplantasiyasının Azərbaycanda gerçəkləşməsi o deməkdir ki, bizim səhiyyəmizdə yüksək naliyyət əldə olunub. Hazırda buna hazırlıq işləri aparılır. Hematopoetik kök hüceyrələrinin transplantasiyası üçün iş gedir. Bizdə bu əməliyyatı həyata keçirəcək həkimlər var. Amma təbii ki, həmin həkimlər müəyyən kurslar keçəcək".

Z. Məmmədbəyov  hematopoetik kök hüceyrələrinin transplantasiyasının genetik qan xəstəliklərinin və ankoloji xəstəliklərin müalicəsində tətbiq olunduğunu söylədi. 


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs