news Image
2013.08.12
10:52
| A A A
Ailənin 3 evi birdən kül oldu

Yanğının başvermə səbəbi hələlik məlum deyil

Bakının Sabunçu rayonunda baş vermiş yanğın zamanı bir ailəyə məxsus üç ev yanıb. APA-nın verdiyi xəbərə görə, Zabrat qəsəbəsi, Babək 50 ünvanında Zemfira Nurullayevaya məxsus evlərin birində başlayan yanğın həyətdəki digər tikililərə də keçib.

Ev sahibinin dediyinə görə, yanan hər üç ev ona məxsusdur. Lakin onlar evdə olmadıqlarından yanğın xəbərini qonşulardan alıblar.

Hadisə yerinə Fövqəladə Hallar Nazirliyinin Sabunçu, Suraxanı və Xəzər rayonlarının yanğından mühafizə hissələrinin texnikası və canlı qüvvəsi cəlb olunub.


FHN əməkdaşları qonşu evlərdəki sakinləri evakuasiya ediblər. Yanğının qonşuların evlərinə keçməsinin qarşısı alınıb. Hadisə zamanı xəsarət alan və ölən olmayıb.

Nurullayevlər ailəsinə dəyən ziyanın miqdarı da hələlik bəlli deyil.

Yanğının başvermə səbəbi hələlik məlum deyil.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs