Pakistanın baş naziri Nəvaz Şərif gələn ilin ilk yarısında Azərbaycana səfər edəcək.

Mövqe.az-ın məlumatına görə, bu barədə jurnalistlərə Pakistanın Azərbaycandakı səfiri İkram Molla Məsud məlumat verib.

Onun sözlərinə görə, Pakistanın baş nazirinə Azərbaycana səfərlə bağlı dəvət var, lakin bu yaxınlarda seçkilərin keçirilməsi və hökumətin dəyişməsi səbəbilə səfər gələn il baş tutacaq: "Səfər tezliklə baş tutmalıdır. Ölkədə seçkilərin keçirilməsi ilə əlaqədar baş nazir gələn ilin əvvəli və ya ortasında Azərbaycana gələcək".