news Image
2013.08.14
15:41
| A A A
İxtisas seçiminin vaxtı uzadıldı

Azərbaycanın ali təhsil müəssisələrinin magistraturalarının boş qalan plan yerlərinə ixtisas seçimi müsabiqəsində iştirak etmək istəyənlərin sayı açıqlanıb. Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadə Movqe.az-a bildirib ki, magistraturaların boş qalan plan yerlərinə qəbul olmaq üçün 1539 nəfər bakalavr elektron ərizəsini təsdiq edib. Onların 1399 nəfəri Azərbaycan, 140-ı isə rus bölməsi üzrə sənəd verib. Müsabiqənin nəticələrinin yaxın 2 gün ərzində açıqlanması nəzərdə tutulur. Qeyd edək ki, 2013/2014-cü tədris ili üçün Azərbaycan ali təhsil müəssisələrinin magistraturalarına qəbul imtahanının ilk mərhələsi martın 3-də, ikinci mərhələsi isə iyunun 23-də keçirilib. Magistraturaya qəbul olmuş 5765 bakalavrın 85,74 faizi, yəni 4943-ü qeydiyyatdan keçib. Bakalavrların 822 nəfəri tələb olunan müddətdə qeydiyyatdan keçmədiyi üçün bu, onların həmin bakalavrların magistraturada təhsil almaqdan imtina etməsi kimi qiymətləndirilib və həmin yerlər də vakanat sayılıb.Bu il magistratura səviyyəsinə qəbul 60 proqram üzrə aparılıb və 6794 plan yeri ayrılıb. Qeyd edək ki, ali təhsil müəssisələrinin magistraturalarının boş qalan yerlərinə ixtisas seçimi 14 avqust saat 14:00-dək uzadılıb.Bakalavrlar qeyd olunan vaxta qədər TQDK-nın internet saytının müvafiq səhifəsinə (tqdk.gov.az/erizemag) daxil olub, seçdiyi ixtisaslaşmaların kodlarını "Bakalavrın elektron ərizəsi"ndə qeyd edib təsdiqləməlidirlər.  


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs