news Image
2013.08.15
12:33
| A A A
AVCİYA seçki qabağı treniqlər başladı
AVCİYA Mətbuat Xidmətindən mövqe.az-a verilən məlumata görə, qurum regionlarda seçki treninqlərinə start verdi.

Azərbaycan Respublikasında keçirilmiş əvvəlki seçkilərdə olduğu kimi Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahı 9 oktyabr 2013 – cü il tarixdə keçiriləcək Prezident seçkilərinin də ölkə üzrə müşahidəsini təşkil edəcək. Buna görə də assosiasiya regionlarda müşahidəçilər üçün treninqlərə start verib. AVCİYA Xaçmaz regional ofisinin təşkilatçılığı ilə avqustun 13-15də Xaçmaz, Quba, Qusar, Şabran, Siyəzən rayonları üzrə seçki məntəqələrində müşahidə aparacaq şəxslərə 8 treninq keçirilib. Treninqlərdə AVCİYA Seçki Qərargahının rəhbəri Məhərrəm Zülfüqarlı çıxışlar edərək Azərbaycanda keçirilmiş Prezident seçkiləri, AVCİYA- nın nəşr etdiyi 3 Seçki Bülleteni, Seçki Məcəlləsinə edilmiş son dəyişiklər, müşahidəçilərin hüquq və vəzifələri, seçki saxtakarlıqlarının qarşısının alınması yolları və digər məsələlər barədə geniş məlumat verib. Treninqlərdə AVCİYA Xaçmaz regional ofisinin rəhbəri Solmaz Mehdiyeva da çıxış edərək müşahidəçilərə öz tövsiyyələrini bildirib. Hər tədbirin sonunda treninq iştirakçılarının suallarına cavablar verilib.


AVCİYA Seçki Qərargahı regionlarda keçirdiyi treninqlərlə yanaşı "Müşahidəçilər üçün yaddaş kitabçası" da nəşr edib ki, bu da müşahidələrin yüksək səviyyədə təşkili üçün vacibdir.


17 – 18 avqustda AVCİYA Şirvan regional ofisinin təşkilatçılığı ilə Şirvan, Hacıqabul, Sabirabad, Salyan, Neftçala müşahidəçiləri üçün növbəti treninqlər keçiriləcək.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs