news Image
2013.08.18
13:31
| A A A
Mitinqə azyaşlı uşaqların gətirilməsi ilə bağlı rəsmi açıqlama
Səhlab Bağırov: "Bu gün Milli Şuranın saat 17:00-da keçiriləcək mitinqində 10 yaşından yuxarı uşaqların iştirakına icazə verilməsi ilə bağlı hər hansı bir fikrim olmayıb” "Bu gün Milli Şuranın saat 17:00-da keçiriləcək mitinqində 10 yaşından yuxarı uşaqların iştirakına icazə verilməsi ilə bağlı hər hansı bir fikrim olmayıb". Bu sözləri "Qafqazinfo"ya açıqlamasında Bakı Şəhər Baş Polis İdarəsinin rəis müavini, general-mayor Səhlab Bağırov Mitinq Komitəsinin rəhbəri Asəf Quliyevin dünən mətbuat konfransında səsləndirdiyi fikirlərə münasibət bildirərkən deyib. Rəis müavininin sözlərinə görə, ümumiyyətlə mitinqdə seçki hüququ olan insanlar iştirak edə bilər: "18 yaşı tamam olan şəxslər mitinqə qatıla bilər. Çünki mitinq seçki ilə bağlıdır və seçki hüququna malik olan insanlar ora getməlidir. Yaşı 10-dan yuxarı olan uşaqların icazəsi ilə bağlı söylənilən fikirlər doğru deyil. Mən belə fikir səsləndirməmişəm".
Qeyd edək ki, dünən Mitinq Komitəsinin rəhbəri Asəf Quliyev mətbuat konfransında mitinqlə bağlı BŞPİ-nin İdarəsinin rəis müavini Səhlab Bağırov, Bakı Şəhər Prokurorluğunun müavini Fazil Həsənəliyevlə görüşdüyünü bildirib: "Görüş zamanı bizə dedilər ki, biz mitinqin təhlükəsizliyini müdafiə edəcəyik. Qalan məsələlər isə bizim səlahiyyətimizdə deyil. Gələcəkdə isə Dərnəgül dairəsində mitinqlərin keçirilməsinə şərait yaradıla bilər. Camaat rahat şəkildə meydana buraxılacaq. Bu il razılaşdırılıb ki, 10 yaşından yuxarı uşaqlar mitinqə girə biləcək. 10 yaşından aşağılar isə jurnalistlər üçün tikilən binanın parkında olacaq".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs