news Image
2013.08.23
15:57
| A A A
Toyda 78 nəfər zəhərlənib

"Ötən gün saat 13:00-dan etibarən Siyəzən rayon Müalicə Diaqnostika Mərkəzinə, habelə Şabran Rayon Mərkəzi Xəstəxanasına ümumilikdə 78 nəfər ürəkbulanma, qusma və yüksək hərarət şikayətləri ilə daxil olub".

Səhiyyə Nazirliyinin mətbuat xidmətindən APA-ya verilən xəbərə görə, bunlardan 62 nəfəri (18-i azyaşlı uşaq olmaqla) Siyəzən rayon Müalicə Diaqnostika Mərkəzinə digər 16 nəfəri isə Şabran rayon Mərkəzi Xəstəxanasına yerləşdirilib.

 Məlumata görə, qida zəhərlənməzi diaqnozu qoyulan vətəndaşlara ilkin tibbi yardım göstərilib və dərhal hadisə barəsində Səhiyyə Nazirliyinin 113 xidmətinə məlumat verilib. Bununla əlaqədar Bakıdan  Siyəzən Xəstəxanasına sanaviasiya ilə mütəxəssislər ezam olunub. Siyəzəndə müraciət edənlərin hər birinə ilkin tibbi yardım göstərilib və evlərinə buraxılıblar.

 Şabran rayon Mərkəzi Xəstəxanasına daxil olan 16 nəfərdən nisbətən vəziyyətləri ağır olan 8-ə stasionar, digərlərinə ambulator yardım göstərilərək evlərinə buraxılıblar.

 Zərərçəkənlərin hamısı Şabran rayonunun Ağbaş kəndinin sakinləridir  və onlar dünən Siyəzəndə yerləşən "Çıraqqala" şadlıq sarayında toy məclisində olublar.

 Sanitariya-epidemioloji xidmət orqanları tərəfindən adıgedən restoranından nümunələr götürülərək Bakıya Səhiyyə Nazirliyinin Gigiyena Epidemiologiya Mərkəzinə göndərilib.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs