Təhsil Nazirliyində Rusiya və Çinin ali məktəblərində müvafiq ikitərəfli sənədlər əsasında təhsil almaq hüququ qazanan tələbələrlə görüş keçirilib. Bu barədə Movqe.az-a Təhsil Nazirliyinin mətbuat xidmətindən bildirilib. Məlumata görə, 2013-2014-cü tədris ilində Rusiyanın ali məktəblərində 27, Çinin ali məktəblərində isə 18 azərbaycanlı tələbə dövlət xətti ilə təhsil almaq hüququ əldə edib. Görüşdə iştirak edən tələbələrə təhsil alacaqları ölkə və ali məktəblərlə bağlı zəruri məlumatlar da verilib.