news Image
2013.12.13
17:24
| A A A
FİFA milli komandaların reytinq siyahısını açıqlayıb

FİFA qadınlardan ibarət milli komandaların reytinq siyahısını açıqlayıb. Apasport.az saytının məlumatına görə, 2013-cü il üçün son reytinqində 176 yığma yer alıb. 

Bu komandalardan 117-si topladığı xallara əsasən müvafiq yerlərdə qərarlaşıb. İlk 3 pillədə ABŞ (2228), Almaniya (2156) və Yaponiya (2071) yığmalarıdır.

Azərbaycan millisi isə adı əsas reytinqdən kənarda olan 59 komanda arasındadır. Buna səbəb həmin ölkələrin son 18 ayda heç bir rəsmi matça çıxmamağıdır. Hərçənd, son 4 ilə əsasən hesablanan reytinqdə Azərbaycanın 1341 xalı var. Bu da ümumi siyahıda 67-ci olmaq üçün yetərlidir. 

Amma komandamız xeyli vaxtdır çıxışını dayandırdığı üçün eyni aqibətlə üzləşən digər 58 yığma ilə birlikdə 118-ci yerə şərik sayılır. Millimizin 118-ci pillədəki şərikləri arasında Argentina kimi futbol ölkəsi də var. Avropada isə yığmamız 49-cu yerədir.

Qeyd edək ki, qadın yığmalarının növbəti reytinqi 2014-cü il martın 28-də açıqlanacaq.