news Image
2013.12.18
12:32
| A A A
Azərbaycanlı yazıçı İngiltərədə keçirilən beynəlxalq müsabiqədə qalib gəlib

Yazıçılar Birliyinin sədri Anar azərbaycanlı yazıçı Zaur Həsənovu İngiltərədə keçirilən "Mərkəzi Asiyanı Tanıyaq" II beynəlxalq müsabiqəsində qalib gəlməsi münasibətilə təbrik edib.

APA-nın xəbərinə görə, Zaur Həsənovun "Dağlı" əsəri 7-11 noyabr tarixləri arası Londonda keçirilən müsabiqədə, Avropa və MDB-ni təmsil edən 20 ölkənin 168 namizədi arasında 1-ci yerə layiq görülüb.

Müsabiqə kollegiyasının yaydığı bəyanatda qeyd olunub ki, "Dağlı"nın süjet xətti Qafqazda son iyirmi ildə cərəyan edən müharibələrin bu günə kimi qaranlıq qalan faktlarını üzə çıxartmaqla yanaşı, dahi Azərbaycan şairi Nizami Gəncəvinin "İskəndərnamə"sindən bəhs edərək, Qafqaz xalqlarının dəyər sistemlərini başa düşməyə kömək edib.

Z.Həsənov Yazıçılar Birliyinin sədrinin diqqətinə çatdırıb ki, bu il keçirilən müsabiqədə azərbaycanlı yazıçılar aktiv iştirak ediblər. Belə ki, "bədii tərcümə" müsabiqəsində İan Peart və Səadət İbrahimova, "ədəbiyyat əsəri" müsabiqəsində isə Kamal Həsənov və Samuel Qilbert yarımfinala çıxa biliblər.

Bu il Londonda baş tutan 4 günlük müsabiqə çərçivəsində 12 tədbir keçirilib, nəşriyyatların nümayəndələri ilə dəyirmi masalar, Orta Asiyadan iki sənədli filmin nümayişi, turizm və mədəniyyət üzrə təqdimatlar baş tutub. Ümumilikdə 500-dən çox iştirakçı bu ilki tədbirlərə qatılıb.

Xatırladaq ki, Zaur Həsənovun "Dağlı" əsəri gələn il "Hertfordshire Press" tərəfindən ingilis dilində Böyük Britaniyada dərc olunacaq. Kitabın tərcüməsini Rusiya üzrə tanımış mütəxəssis Kerolayn Valton həyata keçirir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs