Şeyx prezidentə orden verib
Türkmənistanın paytaxtı Aşqabad
şəhərində səfərdə olan Qafqaz Müsəlmanları İdarəsinin (QMİ) sədri,
şeyxülislam Allahşükür Paşazadə bu ölkənin prezidenti Qurbanqulu
Berdiməhəmmədovla görüşüb. QMİ-dən verilən məlumata görə, görüş
zamanı A. Paşazadə Q. Berdiməhəmmədova Qafqaz Müsəlmanları
İdarəsinin "Şeyxülislam ordenini" təqdim edib. O bildirib ki, QMİ
Qazılar Şurası və Elmi Dini Şurasının qərarına əsasən Qurbanqulu
Berdiməhəmmədov tarixi milli-mədəni ənənələrin, dini-mənəvi
dəyərlərin qorunması işinə diqqət və qayğısına, Türkmənistan və
Azərbaycan xalqları arasında dostluq və qardaşlıq əlaqələrinin
möhkəmləndirilməsində xidmətlərinə görə "Şeyxülislam" ordeni ilə
təltif olunur.