news Image
2014.01.16
09:30
| A A A
Genişzolaqlı internetin inkişafı üzrə fəaliyyət planı hazırlanır

Azərbaycan hökuməti yaxın vaxtlarda ölkədə genişzolaqlı internetə çıxışın inkişafı üzrə fəaliyyət planını təsdiq edəcək. Bunu Rabitə və İnformasiya Texnologiyaları Nazirliyindən deyiblər. Məlumata görə, layihə 2014-2016-cı illəri əhatə edəcək. Azərbaycan Respublikası Dövlət Neft Fondu (ARDNF) layihənin I mərhələsinin reallaşdırılmasına 103 milyon manat ayırmağı planlaşdırır. Layihənin ümumi dəyəri 450 milyon manatdan çox qiymətləndirilir. Nazirliyin planına əsasən, 2017-ci ilədək Azərbaycanın bütün yaşayış məntəqələri internetə yüksək sürətli çıxışla təmin ediləcək. Layihənin yekun məqsədi ucqar yaşayış məntəqələri də daxil olmaqla, bütün ölkə ərazisini 10-100 meqabit/saniyə sürətli internetlə təmin etmək və genişzolaqlı internet istifadəçilərinin sayını 85 faizə çatdırmaqdır ki, bu da Azərbaycana 2017-ci ilədək dünyanın inkişaf etmiş ölkələrinin səviyyəsinə çıxmağa imkan verəcək.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs