50 nəfər buzda yıxılaraq xəsarət alıb
Paytaxtda qarın yağması ilə əlaqədar Bakı Şəhər
Təcili Təxirəsalınmaz Yardım Stansiyasına (TTYS) xəsarətlə bağlı 50
küçə çağırışı olub. Bu
məlumatı Movqe.az-a TTYS-nın operativ şöbəsinin böyük həkimi Zemfira
Vahidova verib. Z. Vahidova deyib ki, respiratpor xəstəliklərlə
bağlı müraciətlər azalıb: "Fevral ayının 1-i təcili yardıma 1600,
ayın 2-də isə 1700 çağırış olub. Onlara yerindəcə tibbi yardım
göstərilib. Fevral ayının 1-də dəm qazından zəhərlənmə ilə 5,
2-də13 müraciət olub. Onlarda 7-i xəstəxanaya yerləşdirilib.
Bu ayın ilk günündə 5 yol qəza hadisəsi zamanı 5 nəfər, 2-də 7 yol
qəzasında 9 nəfərə təcili yardım göstərilib. Ehtiyac olanlar isə
xəstəxanalara yerləşdirilib". Z. Vahidova qarda sürüşüb xəsarət
alanların hər birinə təcili yardım göstərildiyini bildiri:
"Fevralın 1-2-i buzda sürüşüb xəsarətlə bağlı təcili yardıma
müraciət edənlərin çoxu cavanlar olub. Gündüz çağırışlarında daha
çox qadınlar, axşam çağırışlarında isə kişilərin müraciətləri artıb
.Fevralın 1- i buzda sürüşərək xəsarət alan 35 nəfər. 2-i 29 nəfər
müraciət edib. Xəsarətlə bağlı 50 çağırış olub".
Z. Vahidova təcili tibbi yardıma edilən bütün
çağırışlara cavab verildiyini yardım edildiyini söyləyib: "Biz
gücləndirilmiş iş rejimində çalışırıq. Qarın yağmasına və yolların
sürüşkən olmasına baxmayaraq təcili yardıma edilən bütün
müraciətlərə vaxtında cavab verilir, yardımlar
edilir. Bu gecədən başlayan paytaxta
yağan güclü qar fasiləsiz olaraq əhaliyə xidmət göstərən Bakı şəhər
Təcili və Təxirəsalınmaz Tibbi Yardım Stansiyasının işinə də mənfi
təsir göstərib. Baxmayaraq ki, stansiyanın ixtiyarında olan təcili
yardım maşınları qış mövsümünə tam hazırdı. Lakin yenə də müəyyən
problemlər yaranıb. Çağrışla gedən 3 təcili yardım maşını yolda
batıb. Həmin maşınların çıxarılması üçün Fövqəladə Halalr
Nazirliyinin xüsusi xilasetmə qüvvələri çağrılıb. Bundan başqa,
çağırışa gedən maşınların hərəkəti hazırda paytaxt yollarında
olduqca çətindir. Amma bizim xüsusi təyinatlı təcili yardım
maşınlarımız var ki, həmin maşınlar xüsusi təcili doğuş və sair
çağırışlara dərhal yardım edirlər".