11 yaşlı qız 21 yaşlı oğlana qoşulub qaçdı
Livanın Akkar şəhərində yaşayan 11 yaşlı Fatimə adlı qız 21 yaşlı
sevgilisinə qoşularaq qaçıb. ANS PRESS "MIGnews"a istinadən
bildirir ki, Fatimənin valideynləri gənc oğlanı qızlarını
oğurlamaqda günahlandırıblar və hakimiyyətdən tələb ediblər ki, onu
tapıb cəzalandırsınlar. Ancaq Fatimə "YouTube"da öz valideynlərinə
müraciət yerləşdirib və bildirib ki, o, evdən könüllü gedib və
yaxın zamanlarda sevdiyi adama ərə gedəcək. Video ortaya
çıxandan sonra ailənin dostları vasitəçi kimi araya giriblər və
uzun danışıqlardan sonra toy olub. Amma Fatimənin atası toyda
iştirak etməkdən imtina edib.