news Image
2014.02.12
15:35
| A A A
Rusiyadan Azərbaycana qızılca xofu

Rusiyada qızılca xəstəliyi ilə bağlı vəziyyət yenidən təhlükəli həddə çatıb. Məlumatlara görə, digər xarici ölkələrdə qızılcaya yoluxma halları da məhz Rusiyadan gedən əcnəbilər vasitəsilə yayılır. Azərbaycan Rusiya ilə sıx gediş-gəlişin olduğu ölkələr arsında olduğundan, eləcədə həmsərhəd olduğundan,  ölkəmizə bu xəstəliyin keçmə ehtimalı böyükdür. Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva isə Movqe.az-a açıqlamasında Azərbaycanda qızılcaya qarşı immunlaşdırmanın yüksək səviyyədə aparıldığını, Rusiyadan  Azərbaycana bu xəstəliyin keçmə ehtimalının 0-a bərabər olduğunu söyləyib. Şöbə müdiri bildirib ki, hazırda Azərbaycanda qızılcaya yoluxma ilə bağlı bir fakt belə yoxdur: "Biz qızılca xəstəliyi ilə bağlı tam rahatıq. Çünki, iötən il mmunlaşdırma işləri yüksək səviyyədə aparılıb və bu işlər davam edir. Biz Rusiyadan Azərbaycana qızılca xəstəliyinin keçməsi ilə bağlı narahat deyilik".